Рускиот ракометар Тимур Дибиров најави дека на крајот од оваа сезона ќе ги напушти редовите на Вардар 1961, по цели девет години во кои со „црвено – црните“ освои две европски титули.
– Ова е мојата последна сезона во дресот на Вардар. Натпреварот со Веспрем беше мојот последен во Лигата на шампиони. Најмногу би сакал во Битола да го победиме Еурофарм Пелистер и да ја освоите титулата, и на тој начин да се простам од дресот на Вардар, изјави Дибиров во видеоинтервју за „Само ракомет“.
Дибиров во 2013 година се пресели од Чеховски медведи во Вардар и се стекна со статус на икона во скопскиот клуб со кој во два наврати ја освои европската Лига на шампиони.
Русинот помогна Вардар да освои по шест титули во домашното првенство и куп, три титули во Суперкупот, како и четири трофеи во регионалната СЕХА лига.
