Гори мостот Керч што го поврзува полуостровот со Русија. Руската државна новинска агенција РИА објави дека се запалил резервоар со гориво, додека украинските медиуми пишуваат за експлозија.
На снимки објавени на Twitter се гледа дека конструкцијата е во пламен. Фотографиите од мостот прикажуваат голем оган од кој се зафатени најмалку два железнички вагони од воз на мостот и огромен црн чад.
Сведоци велат дека експлозијата се слушнала километри далеку и истата се случила околу 6 часот утрово, додека возот минувал преку мостот. Не е познато што всушност ја предизвикало експлозијата, а руските медиуми пренесоа дека на мостот горат цистерни за гориво.
На некои фотографии се гледа дека е срушен дел од мостот кој оди паралелно со железничките пруги.
Мостот е многу симболичен за Русија и важна логистичка поддршка за руските сили на Крим и јужна Украина, за териториите заземени од Русите. Мостот беше свечено отворен од рускиот претседател Владимир Путин во 2018 година.
Руслан Стефанчук, претседател на украинскиот парламент на Твите го коментираше пожарот на Кримскиот мост.
„Крим е Украина. Сите вештачки папочни врски, мостови или автопати нема ова да пуштат корени“, напиша тој.
