Минатиот месец ПСЖ го отпушти тренерот Маурисио Почетино по една и пол сезона на клупата, а аргентинскиот стручњак првпат јавно проговори по заминувањето во интервју за аргентински Infobae.
Тој рече дека во ПСЖ сè освен освојување на Лигата на шампионите е неуспех и се осврна на улогата на Килјан Мбапе во неговиот отказ.
„Сè во ПСЖ е фокусирано на Лигата на шампионите и тоа понекогаш може да го одвлече вниманието. Другите натпреварувања се земаат здраво за готово поради супериорноста на ПСЖ. Лигата на шампиони е опсесија и сè помалку од победа е неуспех“, рече Покетино.
„Но, тоа не е само неуспех од минатата сезона, туку последните 50 години, а особено последните 10-11, од доаѓањето на новите сопственици, чија цел отсекогаш била освојување на Лигата на шампионите.“
Дали Мбапе помогна за отказот на Почетино?
По отказот, многу медиуми пишуваа дека тоа бил еден од условите на Килјан Мбапе да потпише нов договор, но францускиот напаѓач веќе демантираше, а сега истото го направи и самиот Почетино.
„Тој е еден од најдобрите играчи во светот и мислам дека ПСЖ го убеди да остане бидејќи ги има сите ресурси да го стори тоа. Но, мислам дека Килјан не го дизајнираше новиот проект на клубот или влијаеше на моето заминување. Оние кои владеат, во овој случај претседателот, се тие кои сметаа дека новиот проект е најсоодветното нешто за клубот“, рече Почетино.
