Флоријан Шнајдер, еден од коосновачите на влијателната електро-поп група „Крафверк“, почина на 73 години.
Германскиот квартет ги постави основите на синт правецот во 70-тите и 80-тите со хитовите како „Autobahn“ и „The Model“.
Групата постигна комерцијален успех, но е ценета од музичката фела по иновативноста и инспирираше низа музичари и артисти од најразлични жанрови низ годините.
Шнајдер ја формираше групата со Ралф Хитер во 1970 година и остана член до неговото заминување во 2008 година.
Во соопштението за неговата смрт стои дека „починал по кратко боледување од рак, неколку дена по 73-тиот роденден“.
Музичари од целиот свет веќе објавуваат пораки со сочувство и благодарност за музичката оставнина на Шнајдер.