Лекарот од Вухан Ли Венлијанг, кој се обиде да ги предупреди своите колеги за појавата на новиот корона вирус, почина во болница, во кинескиот град од каде изби епидемијата.
The Guardian објави дека офтамологот починал денеска од последици од вирусот.
Ли беше приведен во полиција кога се обидел да ги предупреди останатите на вирусот, уште во декември минатата година.
На 30 декември, тој испратил групна порака на лекари со предупредување за вирусот, а само неколку дена подоцна бил повикан во Бирото за јавна безбедност да потпише писмо, во кое тој е обвинет за давање лажни информации.
Ли беше еден од осумтемина повикани на распит во полиција поради ширење гласини.
СЗО: Бројот на новозаразени опаѓа
Женева, 6 февруари 2020 (МИА) – Светската здравствена организација денеска соопшти дека е прерано да се каже дека епидемијата на новиот корона вирус достигнала кулминација, но информираше дека денеска е првиот ден кога е намален бројот на нови случаи.
Официјалниот претставник на СЗО, Мајк Рајан, изјави дека во провинцијата Хубеј, кадешто прво се појави вирусот, бројот на случаи постојано се зголемува, но дека нема зголемување во другите провинции.
Според најновите податоци, 563 лица починале од корона вирусот, додека повеќе од 28.000 се заразени.