На возраст од 54 години во зоолошка градина на северот во Италија почина Тоби, најстариот бел носорог во светот.
„Тоби почина на 6 октомври. Падна на патот кон неговото ноќно засолниште, а по половина час срцето престана да му чука“, соопшти Елиса Ливија Пеначиони од зоолошката градина Parco Natura Viva во близина на Верона.
Тоби ќе биде балмазиран и изложен во научен музеј, каде ќе му се придружи на Бланко, бел лав од зоолошката градина кој почина пред пет години.
Белите носорози обично живеат до 40 години во заробеништво, а до 30 години во дивина.
Смртта на Тоби следи по смртта на неговата партнерка во 2012 година, а во зоолошката градина сега има само еден бел носорог, 39-годишниот Бено.
Во светот постојат само два примероци на подвид на северен бел носорог кои живеат во Кенија, чувани деноноќно од вооружени чувари.
