Модната недела во Лондон почна денеска преку онлајн пренос во живо, без присуство на новинари и без клиенти од цел свет. Првото дефиле ќе му припадна на модниот бренд Burberry.
Поради сѐ уште постојната корона-пандемија, организаторите предвидуваат помал број ревии во живо. Настанот ќе трае до вторник.
Околу 80 дизајнери ќе ги претстават своите модни парчиња. Меѓу нив ќе биде и Бора Аксу, Турчин кој живее во Лондон, Викторија Бекам, кинескиот бренд PRONOUNCE и други.
Шоуто без публика ќе биде пренесувано на платформата Twitch.