Адријана Поп Арсова во женска и Дарио Ивановски во машка конкуренција со време на нови државни рекорди минаа први низ целта на Скопскиот маратон што денеска се одржа ниЗ улиците на македонската престолнина.
Во конкуренција на околу 150 учесници во двете конкуренции, Поп Арсова ја истрча маратонската трка Со време 2:40:36, додека Ивановски триумфираше со време од 2:21:27.
Вторите места ги освоија Силвија Александра Паредес Јукаила од Еквадор и Младен Стевановиќ од Босна и Херцеговина, додека како третопласирани завршија Билјана Кираџиева и Германецот Давид Перлих.
Во полумаратонската трка триумфираше Бугаринот Митко Ценов со време 1:09:10, додека во женска конкуренција прва низ целта мина Миљана Ристиќ (1:26:09).