Од појавата на коронавирусот пред две години, љубителите на филмови ширум светот укажуваат на остварувања кои на некој начин ја „предвидоа“ пандемијата. Сега, многумина се прашуваат дали филмот „Omicron“ од 1963 година ја предвиде пандемијата?
По појавата на новиот сој наречен омикрон, љубителите на седмата уметност се присетија на две филмски остварувања. Порасна популарноста на два филма, едниот е „Omicron“ од 1963 година. Станува збор за италијанска научно-фантастична сатира која го следи дејството на вонземјанин кој презема тело на работник во фабрика, со цел да сфати како функционира човечката раса.
Интересно е што токму овој филм се најде во натпреварувачкиот дел на Филмскиот фестивал во Венеција, одржан во 1963 година.
Вториот филм кој исто така привлече внимание поради омикрон е американското остварување „The Visitor from Planet Omicron“ во режија на Мајк Донахју. Овој филм од 2013 година исто така има вонземјанин кој на нашата планета доаѓа со вирус. Сепак, одушевен од готвењето на една вдовица во Аризона набргу почнува да помага во намерата за симнување на корумпираната влада.
Оваа комедија не успеа да оствари поголем успех делумно и поради нискиот буџет. Оние кои го погледнале филмот сметаат дека и покрај лошите специјални ефекти, филмот е многу симпатичен :)
Сепак, насловот и содржината на филмот од 1963 година привлече доста внимание на Twitter, па веќе има најразлични коментари.