Поранешниот НБА играч Еди Кари откри како изгубил повеќе од 57 милиони долари, завршил со долг од 2 милиона долари и останал без покрив над главата.
Кари беше четвртиот пик на Чикаго Булс на драфтот во 2001 година и првите четири сезони во најсилната лига на светот ги помина во дресот на Булс. Потоа шест години (играше за Њујорк Никс 2005-2011), па за Мајами Хит (2011/12) и Далас Маверикс (2012) пред да се пресели во Кина. Американецот помина 7 години во најнаселената земја во светот, каде што ја заврши кариерата во 2019.
„Заработував милиони, но во еден момент сфатив дека мојот сметководител не го прави тоа што требаше да го прави. Земал кредити каде и да одеше. Сега работам многу на тоа со синдикатот на играчи и млади момци. Полномошното беше најважниот фактор во мојата финансиска катастрофа. Беше грешка да се даде некому такво полномошно“, изјави Кари, кој со Мајами Хит ја освои шампионската титула во 2012 година.
„Во одреден момент тој подигнал заем од човек во Вегас. Подигнал кредит на мој потпис. Потоа не го исплати кредитот, јас не ни знаев за тоа, а ме тужеа. Тоа беше заем од 500.000 долари, а на крајот платив околу 4 милиони долари.
Најдобрата сезона на Кари во НБА беше 2006/07 кога имаше просек од 19,5 поени, 7 скока и 0,8 асистенции.
