Volkswagen на Саемот за автомобили во Минхен го претстави концептот ID.Life за наредниот модел на струја.
Германскиот произведувач ја започна масовната продукција на електрични автомобили со компактниот хетчбек ID.3, а сега го најавија и пристапниот модел кој во продажните салони ќе пристигне во 2025 година.
За разлика од ID.3 кој има погон на задните тркала, концептот Life e конструиран како електричен автомобил со погон на предните тркала.
Поставен е на иста МЕB механичка платформа која е модифицирана за да се прилагоди на градскиот автомобил.
Од 0 до 100 км/ч забрзува за само 6,9 секунди. Максималната брзина е 180 км/час.
VW ID.Life потребната електрична енергија ја добива од батериите, а за 10 минути полнење може да се поминат 163 километри.
Продукциската верзија е најавена за 2025 година, а почетната цена ќе изнесува 20.000 евра.