Изминативе две години поминати во пандемија сите работевме на зајакнување на имунитетот, најчесто со намера дека ако се заразиме со ковид и покрај мерките и вакцините, да ја надминеме болеста што побезболно, со што помалку последици.
Се чини дека целиот свет беше на витамини Д и Ц и цинк, кои понекогаш неконтролирано ги земавме превентивно, најчесто без лекарски надзор. Сепак, некои од овие суплементи не се компатибилни, односно не се препорачува да се пијат истовремено, бидејќи меѓусебно си ги неутрализираат ефектите.
Ова се комбинациите кои треба да ги одбегнувате:
Витамин Ц со витамин Б12
Витаминот Ц е важен антиоксиданс за имунолошкиот систем. Витаминот Б12 помага во одржување на нервниот систем и формирање на црвени крвни зрнца. Истражувањата покажуваат дека земањето на овие два додатоци во исто време може да ја намали апсорпцијата на витаминот Б12. Затоа, се препорачува овие суплементи да се земаат со растојание од најмалку два часа.
Витамин А со храна богата со витамин А
Бидејќи витаминот А е растворлив во масти, неговиот вишок се акумулира во телото. Значи, не е неопходно да се зема секој ден. Премногу витамин А може да доведе до кршливи коски и чести скршеници. Може да биде штетно и за бебето кај трудниците. Ако сте бремени или земате додаток на витамин А, најдобро е да избегнувате црн дроб или паштети од него. Овие намирници се толку богати со витамин А што дури и ако не земате додатоци од оваа хранлива состојка, треба да ги јадете само еднаш неделно.
Фолна киселина (витамин Б9) со витамин Б12
Иако и двата од овие Б витамини се важни, земањето премногу фолна киселина всушност може да ги маскира симптомите на недостаток на витамин Б12.
Витамин Е со витамин К
Земањето витамин Е може да доведе до зголемено крварење. Витаминот К промовира згрутчување на крвта. Истовременото внесување на витамин Е може да го неутрализира ефектот на витаминот К.
Вишокот на витамини растворливи во вода како Ц и Б-комплекс може да се излачуваат, но витамините растворливи во масти - Д, Е, К и А - се акумулираат во телото, па ако се земаат прекумерно, тоа може да биде опасно.