Преглед на 3. коло од ЛШ (ден 2)

Без проблеми за Јувентус, Челси и Борусија, Манчестер Јунајтед падна во Истанбул, нов кикс на ПСЖ, неверојатен пресврт на Севиља.

Кошмарен натпревар за Рен одигра Бразилецот Далберт кој направи два пенала и доби црвен картон со што буквално беше главен виновник за победата на Челси која потоа ја потврди Ејбрахам.

Челси - Рен 3:0
10' (п), 41' (п) Тимо Вернер, 50' Тами Ејбрахам

Неверојатен пресврт за победа приреди Севиља, или Краснодар доживеа неверојатно испуштање победа. Русите водеа со 0:2, Севиља намали на 1:2, но потоа остана со 10 играчи откако Хесус Навас беше исклучен во последните моменти од првиот дел. Во 60. минута во игра влезе Мароканецот Ен Несири кој со два брзи гола се погрижи за целосен пресврт.

Севиља - Краснодар 3:2
42' Иван Ракитиќ, 69', 72' Јунес Ен Несири - 17' Магомед Сулејманов, 21' (п) Маркус Бериј

Табела:

1. Челси 7
2. Севиља 7
3. Краснодар 1
4. Рен 1

Со големи проблеми поради позитивни играчи Лацио отпатува за Санкт Петерсбург каде сепак успеа да освои бод. Домашните водеа до самиот крај кога Еквадорецот Каиседо израмни. Лацио беше без Имобиле, Лаѕари, Лејва, Лулиќ, Стракоша, Луис Алберто.

Зенит - Лацио 1:1
32' Александр Јерохин - 82' Фелипе Каиседо

Борусија со фуриозно прво полувреме си обезбеди победа на гостувањето кај Бриж кој, изненадувачки, досега беше непоразен. Азар помладиот и голгетерот Холанд ја донесоа втората победа за тимот од Дортмунд.

Криж - Борусија (Д) 0:3
14' Торган Азар, 18', 32' Ерлинг Браут Холанд

Табела:

1. Борусија (Д) 6
2. Лацио 5
3. Бриж 4
4. Зенит 1

Киевски Динамо беше прежален пред гостувањето во Барселона бидејќи со куп позитивни играчи можеше да смета на комбиниран тим со неколку тинејџери меѓу кои и 18-годишниот голман Руслан Нешчерет. Не само што Барса не успеа да оствари голема победа, туку Динамо се избори за сосема нормален пораз од 2:1.

Барселона - Динамо (К) 2:1
5' (п) Лео Меси, 65' Жерард Пике - 75' Виктор Циганков

Италијанскиот шампион многу лесно дојде до трите бода на гостувањето во Унгарија каде домаќините дури во 90. минута успеаја да постигнат почесен погодок.

Ференцварош - Јувентус 1:4
90' Франк Боли - 7', 60' Алваро Мората, 73' Пауло Дибала, 81' (аг) Лаша Двали

Табела:

1. Барселона 9
2. Јувентус 6
3. Динамо (К) 1
4. Ференцварош 1

По двете одлични партии против ПСЖ и Лајпциг, Манчестер Јунајтед киксна на гости кај турскиот шампион. 

Башакшехир - Манчестер Јунајтед 2:1
13' Демба Ба, 40' Един Вишча - 43' Антони Марсјал

Продолжи лошата форма на финалистот од ланското издание. ПСЖ овој пат потклекна и кај Лајпциг иако поведе уште во 6. минута. Стрелецот на тој гол, Ди Марија, десет минути подоцна промаши пенал за водство од 0:2, а потоа домаќините со два гола ја однесоа победата.

Лајпциг - ПСЖ 2:1
42' Кристофер Нкунку, 57' Емил Форсбериј - 6' Анхел Ди Марија

Табела:

1. Манчестер Јунајтед 6
2. Лајпциг 6
3. ПСЖ 3
4. Башакшехир 3

Наредното 4. коло е на програмата на 24 и 25 месецов, по завршувањето на репрезентативниот прозорец.