Министерот Оливер Спасовски соопшти дека приведени се четири лица од случајот „Јавна соба“, за злоупотреба на лични податоци.
Четири лица, две од Битола, едно од Велес и едно од Штип се приведени денеска во врска со случајот„Јавна соба“, информира министерот за внатрешни работи Оливер Спасовски преку објава на Facebook.
„Се работи на откривање кој ја креирал ваквата група и кои биле членовите. Секој еден кој се наоѓа во групата ќе се истражи и ќе понесе кривична одговорност“, напиша Спасовски.
