Новоизбраната прва шведска премиерка Магдалена Андерсон поднесе оставка само неколку часа по именувањето, кога нејзиниот коалиционен партнер од Зелените ја напушти Владата.
„Сакам да поднесам оставка на местото на премиер“, изјави Андерсон на прес-конференција.
Меѓу другото, таа изјави дека е подготвена повторно да се обиде како лидер на еднопартиска влада.
Зелените изјавија дека ја напуштаат владата бидејќи се незадоволни од изгледот на предложениот буџет.
Како што стојат сега работите, лидерката на Социјалдемократите беше премиерка само седум часа.
„Според досегашната парламентарна пракса, коалициската влада би требало да поднесе оставка ако една од партиите ја напушти Владата. Мојата оцена е дека истото треба да важи и за избор на нов премиер, за мене тоа е работа за почитување. Не сакам да водам Влада ако можеби постои причина нејзиниот легитимитет биде доведен во прашање“, изјави Магдалена Андерсон.
