Капитенот на македонската фудбалска репрезентација, Стефан Ристовски, синоќа преку социјалните мрежи соопшти дека се повлекува од репрезентацијата на Македонија.
Веста ја шокираше јавноста, имајќи предвид дека Ристовски беше стандарден во репрезентацијата, а неговиот потег наиде на позитивни реакции од фановите кои сметаат дека репрезентацијата не е добро менаџирана.
Тој во соопштението истакна дека потегот се должи на нарушени односи со селекторот Благоја Милевски.
„Односот меѓу мене и сегашниот селектор Благоја Милевски не е во најдобар ред, за што и лично сме разговарале. Од моја страна му беше предочено, како капитен, за сè она што се случува во и околу репрезентацијата“.
Засега не е познато дали ова повлекување ќе биде на сила само додека е Милевски селектор, па Ристовски пак ќе заигра во македонскиот дрес или ова е крај за него во репрезентацијата засекогаш.
Ристовски за националниот тим досега има одиграно 82 натпревара, на кои постигна 2 гола.
