Рускиот претседател Владимир Путин на денешната прес-конференција изјави дека целите на руската воена операција во Украина „несомнено ќе бидат остварени“. Тие цели ги нарече „благородни“, пренесуваат руските државни новински агенции.
Путин додаде дека Москва „морала да започне воена операција за да ја заштити Русија“, додавајќи дека „немала друг избор“.
„Конфликтот со антируските сили беше неизбежен и само прашање на време“, рече Путин.
Путин, исто така, рече дека Русија нема планови да се изолира од остатокот од светот, додавајќи дека руските сили во Украина се однесуваат „храбро и ефективно“. Рускиот претседател тврдеше дека „Русија повеќе не може да го толерира геноцидот извршен врз луѓето во Донбас кои зборуваат руски јазик“.
