Русија има свои интереси што ќе ги штити според меѓународното право, нагласи денеска рускиот претседател Владимир Путин во годишното обраќање до нацијата.
Тој изјави дека значењето на надворешната политика на Русија е да обезбеди мир и безбедност и стабилен развој на земјата.
Русија не реагира на некои непријателски активности од други држави, бидејќи сака да има добри односи со меѓународната заедница.
– Честопати воопшто не реагираме, не само на непријателски активности, туку и на отворена дрскост, рече Путин, додавајќи дека тие без причина ја споменуваат Русија.
Тој додаде дека Русија ѝ предлага на меѓународната заедница да разгледа стратешка и глобална стабилност.
– Ако некој ги смета нашите добри намери како ноншалантност или слабост и има намера да ги уништи добрите односи, тој мора да знае дека одговорот на Русија ќе биде брз и остар, изјави Путин.