Во големата сала на НУ Центар за култура во Битола целовечерен концерт ќе приреди уметникот Раде Шербеџија.
Домаќин и организатор на ексклузивниот концерт на кој Шербеџија ќе го претстави својот албум „Ne okreći se sine“ е националната установа Центар за култура Битола.
– Раде Шербеџија ќе настапи придружуван од бендот „Zapadni Kolodvor“. Новиот студиски албум на легендарниот актер, поет и музичар е врвно музичко достигнување и е создаден во време на пандемија и е сниман со екипа одлични музичари. Битолската публика вечер ќе ја чуе и песната „Šeherezada“ на познатиот словенечки театарски режисер Томаж Пандур, за која аранжманот го создаде Диран Тавитјан, најави Маја Андоновска Илијевски, директорка на НУ Центар за култура Битола.
Почетокот е од 20 часот, а во проджба од понеделникот беа пуштени 300 билети по цена од 800 денари.
