Дизајнот на дресот кој португалската репрезентација ќе го носи на Светското првенство во Катар „протече“ онлајн.
Новиот дрес драстично се разликува од сите досегашни. Има дијагонална линија што го пресекува, едната половина е зелена, а другата црвена. Португалија се пласираше во Катар преку бараж во кој во финалниот меч ја исфрли Македонија, која пак претходно го шокираше актуелниот европски првак Италија.
Португалија е во група со Гана, Уругвај и Јужна Кореја. Португалските навивачи се воодушевени од дресот, а како и на ЕП 2020, ќе го комбинираат со зелени шорцеви.