Не секаде на Стариот контетинет живеат овие три диви животни. Некогаш нивната територија била многу поголема, но денес се изолирани во одредени делови.
Мечката денес најмногу ја има во Скандинавија, Балканот, Романија, Словачка и одредени делови на Балтикот, Италија, Полска, Шпанија, Франција, Украина и Швајцарија.
Порано мечката живеела и низ германските шуми, но истребена е од 1835 година кога последен пат била забележана и убиена мечка во Западна Баварија.
Волкот го има речиси насекаде, а најзастапен е на Балканот. Во изобилство го има и на Пиринејскиот Полуостров, Балтикот, Италија, Словачка, Скандинавија, Полска, Романија и алпскиот дел на Франција.
Рисот е заштитено животно кај нас. И со право бидејќи е загрозен вид и го нема како што ги има мечките и волците. Живее и во други земји на Балканот, а во огромен број го има низ цела Скандинавија. Го има уште и во земјите на Алпите, особено Швајцарија, потоа и на Балтикот, Словачка, Романија, Чешка, Полска и во мал број во Германија.
Во Исланд, Данска, Холандија, Луксембург, Белгија и на островите Велика Британија и Ирска не живее ниту едно овие три животни.