Цените на половните автомобили во Германија постојано растат од јули минатата година.
Оваа вест ја објави Mobile.de - германскиот портал за продажба на половни возила. На порталот се анализирани цени на 720.000 автомобили кои се продадени или сè уште се во продажба.
Цените на половните автомобили постојано растат од јули минатата година и сега се дури над вредноста од 2019 година.
Причина за тоа е дека во услови на корона-криза луѓето повеќе купуваат половни автомобили отколку нови. Многумина од нив сметаат дека подобра опција им е да купат половен автомобил отколку да патуваат со јавен превоз.
