Баскискиот гулаш од јагнешко месо е ароматичен поради биберот и чадената пиперка.
Баскискиот јагнешки гулаш вреди да се направи доколку сакате гурмански ручек за целото семејство. Сепак, зошто да имате обичен гулаш, кога со малку зачин ќе добиете вистинска баскиска атмосфера.
Потребни состојки:
- 1,5 кг јагнешки котлети
- 2-3 лажици маслиново масло
- 1 поголем кромид
- 4 чешниња лук
- 2 лажички рузмарин
- 2 лажички чадена пиперка
- 1 лажичка лута пипер
- 500 мл црвено вино
- 400 гр домати
- 2 големи печени пиперки
- 2 лажици црвен вински оцет
- 2 лажички шеќер
- сол
- бибер
- дополнителни гранчиња рузмарин (за сервирање)
- крцкав интегрален леб (за сервирање, опционално)
Подготовка:
Загрејте ја рерната на 150°C. Зачинете ги јагнешките котлети со сол и бибер. Загрејте 1 лажица масло во голема тава на силен оган. Пржете ги котлетите во серии, додавајќи повеќе масло по потреба, по 5 минути од секоја страна додека не поруменат. Извадете ги од тавата со решеткана лажица, оставете ги на страна и намалете ја топлината на средна.
Додадете 1 лажица масло и пржете ги ситно сечканиот кромид, мелениот лук и сечканите листови рузмарин со малку зачини едно 10 минути додека да омекнат. Измешајте ја пиперката и лутата пипер, па пржете 1 минута. Додадете го виното, оставете да зоврие 3 минути, а потоа измешајте ги сечканите домати, грубо исечканите печени пиперки, оцетот и шеќерот. Ставете го јагнешкото во тавата и додајте вода колку да го покрие.
Сè заедно вратете во тавата да зоврие, поклопете ја тавата, па ставете ја во рерна. Печете 2 часа, или додека месото не почне да паѓа од коските. Извадете го од рерната и оставете го да отстои 20 минути. Послужете посипано со гранчиња рузмарин, по желба со крцав интегрален леб.