Ако отсега размислувате што ќе појадувате утре, еве еден интересен рецепт кој се подготвува брзо и е одличен за сите оние кои се во тесно со времето.
Доручекот е најважниот оброк во денот, особено доколку сакате денот да го почнете полни со енергија и сконцентрирани. Обично луѓето појадуваат јајца или житарици, бидејкќи тоа е најлесно да се подготви, особено ако се брзате.
Ви предлагаме да го збогатите вашиот појадок, а сепак да не потрошите многу време, така што ќе направите кајгана мафини со тортиља. Започнете го утрото со лесен, брз и вкусен појадок.
Потребни состојки:
- ½ пиперка
- 50 гр шунка
- 50-100 гр тврд кашкавал
- 2 тортиљи
- 3-4 јајца
- 40 мл млеко
- сол
- бибер
- магдонос
Подготовка:
Исечете ги тортиљите со помош на кружен калап, на наредете ги во калап за мафини. Убаво притиснете го секое парче тортиља во калапот. Изматете ги јајцата со млекото, па посолете и побиберете ги. Од смесата истурете во секоја тортиља, но не полмнете до горе бидејќи потоа треба па додадете ситно сечкана пиперка, шунка, а нај на крај и да посипете со рендан кашклавал. Печете на 180°C околу 15 минути. На крајот украсете со сечкан магдонос.
