Сармата е едно од најомилените балкански јадења, а кај нашиот северен сосед имаат и рецепт со друг вид на полнење - посолено, побогато и, како што самите Срби велат, совршено.
Сармата од кисела зелка е неизбежна за време на зимските месеци, а особено за некој посен празник, слава или именден. Сармата на балканот одамна станала култно јадење, а секој народ на овие простори има своја тајна за подготовка на овој зимски деликатес. Воглавно киселата зелка се полни со мелено месо и ориз, но денеска го претставуваме овој необичен рецепт со полнење од месо од коленица. Дефинитивно ќе ви се допадне.
Потребни состојки:
- 1 главица кисела зелка
- 700 гр сува коленица
- ловоров лист
Подготовка:
Месото измијте го, па ставете го во тава и прелијте го со вода. Гответе додека не почне да се распаѓа, па извадете го и оставете го да се излади. Листовите кисела зелка потопете ги во вода околу 15 минути. Потоа извадете му ја кожата на месото и одвојте го од коските, па исечете го на крупни парчиња. На секој крај од листовите ставете 2-3 парчиња месо и стандардно виткајте ги сармите. Наредете ги во тавче, па ставете ловоров лист и турете од водата во која се готвеше месото. Ставете и тенко исечкана сланина. Оставете да се крчка околу 3 часа на тивок оган, или додека течноста не испари.
