Ретка колекција цртежи, скици и слики на легендарниот боксер Мухамед Али е продадена на аукција за речиси милион долари.
За време на аукцијата одржана во Њујорк беа продадени 26 уметнички дела, а меѓу нив е и „Sting Like a Bee“ за кое беа издвоени 425.000 долари. Тоа е десет пати повисока цена од очекуваното.
Али беше еден од најголемите спортисти на сите времиња, а исто така беше активист и поет, додека неговите сликарски таленти се помалку познати.
Сепак, Али цртал и сликал во текот на својот живот, а бил поттикнуван од неговиот татко, кој бил професионален сликар.
Уметничките дело на Али беа ставени на аукција од неговиот пријател Родни Хилтон Браун, кој откри дека боксерот ги насликал првите три слики за него по борбата во Бостон во 1977 година.
Колекцијата е продадена за вкупно 945.524 долари.
Али почина во 2016 година откако поледуваше од Паркинсон.