The Times, можеби најугледниот весник во светот, открива детали за револуционерните промени во Лигата на шампионите на УЕФА.
Ги смислија Александер Чеферин, претседателот на УЕФА, и Насер Ал-Хелајфи, претседател на ПСЖ и Асоцијацијата на европски клубови (ЕЦА). Словенецот и Катарецот стојат зад целосното редизајнирање на најсилното европско, но и светско фудбалско натпреварување.
Лигата на шампионите во форматот каков што е сега суштински се менува од сезоната 2024/25. Наместо досегашните 32 клуба, во него ќе играат 36. Ќе се укине групното натпреварување и ќе се игра по лигашки систем, сите во една група.
Ова се менува за на секој клуб да му се гарантираат најмалку 10 натпревари против исто толку различни противници, пет домашни и пет натпревари на гости. На крајот на вакво првенство, осумте најдобри ќе одат во осминафиналето, клубовите пласирани од 9. до 24. место ќе играат во плеј-офот за осминафиналето. Останатите 12 би отпаднале од конкуренција.
Фајнл-фор и фудбалска недела по моделот на Супербоул
Сепак, сето ова беше познато и претходно. Голема вест е што споменатото дуо се подготвува и за промена на финалето на Лигата на шампионите. The Times наведува дека наскоро наместо елиминациската фаза од полуфиналето со по два натпревара, фајнл-форот ќе се игра со по еден натпревар, што би ги дале финалистите.
Фајнл-форот би се играл во еден град, каде би се играле сите три завршни натпревари.
„Мислам дека тоа би било навистина добро. Погледнете го Супербуолот. Американците одлично се забавуваат на ваков голем настан“, рече Чеферин пред седум месеци во интервју за The Times, кој сега го открива името на Супербуолот на Чеферин: Фудбалска недела. Толку би траел овој спектакл на модерниот фудбал.
Короната ја принуди УЕФА на сличен турнир, а потоа беше воодушевена од концептот
Истиот извор додава дека УЕФА станала склона кон оваа идеја откако финалето на Лигата на нации 2020 година принудно се играше во Португалија поради пандемијата на коронавирус. Откако короната ја принуди таму да го организира фајнл-ејт, реши да го пренесе и на новата Лига на шампиони. The Times посочува дека официјалното објавување на оваа вест е планирано на конгресот на УЕФА кој ќе се одржи во Виена на 11 мај.
Факт е дека со ваква промена во најинтересниот дел од натпреварувањето, ЛШ би била имала два полуфинални натпревара помалку, што значи многу помал приход од ТВ права. Од УЕФА одговараат дека одигрувањето на трите најважни натпревари во ист град носи огромен приход и во другите сегменти бидејќи стотици илјади навивачи и туристи доаѓаат до дестинацијата која ги организира полуфиналните и финалните натпревари и таму трошат богатство.