YBrush ветува дека ќе го редефинира четкањето и дека го има решението што ни треба на сите.
Иако овогодинешниот саем IFA 2022 имаше многу помалку „чудни“ меѓу алтернативните компании кои се занимаваат со сѐ и сешто, не беа заобиколени работи како на пример гардероба што има греалки или револуционерна, наводно, технологија за миење заби.
Компанијата YBrush ветува дека со помош на специјална технологија, нов систем за четка и паста, може да ги измие забите за само 10 секунди.
Четката има батерија која се полни еднаш месечно во куќиште кое не е водоотпорно, главата т.е. четка и паста, кои чинат 80 евра во најефтината верзија. Подоцна купувате глави за миење заби по 35 евра и паста која чини 8 евра по туба.
Поентата е во звучната рачка, која вибрира во неколку фази, т.е. брзина и интензитет и на тој начин за 5, 10 секунди - или онолку колку што сакате - миењето да трае потемелно и ги чисти забите од сите страни, вклучувајќи ги и местата меѓу нив. Финтата е во тоа што сите заби се мијат одеднаш, а тимот на YBrush тврди дека четката и технологијата се научно докажани и се развиваат четири години во различни институции заедно со стоматолози.
Четката, освен што ги мие забите, ја отстранува и плакта, а влакната се направени од најфиниот најлон кој е создаден од извори на рециклирана пластика и сè уште е погоден за рециклирање. Влакната се поставени под агол од 45 степени и ги има преку 35.000 за потемелно и побрзо чистење на забите. Врз основа на околу 500 луѓе кои досега ја тестирале четката YBrush, оценката е сосема солидна - 4,2 и коментарите се главно позитивни.
Поради коронавирусот Саемот не дозволуваше посетителите да ја пробаат четката за заби. Сепак, се верува дека ова е сосема поинакво искуство на миење заби. За жал, прилично е скапо за повеќето луѓе, бидејќи почетната инвестиција од најмалку 88 евра мора да се обновува на секои шест месеци за нови глави за четки, но и речиси месечно за пастата која чини околу 8 евра.