Режисерот Тод Филипс откри дека во подготовка е продолжение на „Joker“, филмот од 2019 година. На Instagram сподели фотографии од сценариото.
Сценариото е наречено „Joker: Folie a deaux“, што на француски означува медицински израз кој се однесува на ментално нарушување кое погодува двајца или повеќе луѓе. На сценариото стои датумот 18 мај 2022 година, а како автори се наведени Скот Силвер и Тод Филипс, кои го напишаа и сценариото за „Joker“ од 2019 година.
На една од објавените фотографии се гледа и актерот Хоакин Феникс, ѕвездата на „Joker“, како го чита сценариото.
По објавувањето на овие фотографии, обожавателите на „Joker“ не го скрија воодушевувањето и велат дека едвај го чекаат развојот на приказната.
