Роби Вилијамс објасни што стои зад неговата гестикулација на настапот во живо за отворањето на Светското првенство во Русија, но не се извини. Според него, тој не направил недоличен гест и тоа не било планирано.
Fox веднаш излезе со извинување по инцидентот со покажаниот среден прст на свеченото отворање на Мундијалот на стадионот „Лужники“.
„Сметав дека е многу важно на вакви настани да не се направи меѓународен инцидент и знаете што? Мене тоа ми успеа“, рече Вилијамс во емисијата „This Morning“ на ITV.
Потоа се пошегува дека само покажувал дека има уште една минута до официјалниот старт на првиот натпревар од Мундијалот меѓу Русија и Саудиска Арабија.
На прашањето дали се кае за инцидентот, Вилијамс рече:
„Секако. Не можам ни сам да си верувам.... самиот не знам што ќе направам во кое било време.“
Претходно, гестот на Вилијамс беше објаснет како самостоен потег на уметникот насочен кон „Британскиот парламент“ поради огромен притисок за наводни негови врски со Владимир Путин.
