Кристијано Роналдо може ненадејно да ја напушти Саудиска Арабија и да се врати во Европа ова лето.
Поточно, тој би можело да се врати во Португалија, неговата татковина, каде што ја започна својата голема кариера како фудбалер на Спортинг Лисабон. Ова е веста која денеска ја објави саудискиот новинар Алхаза Мутаб.
Португалецот во моментов игра многу неуспешна сезона со Ал Наср, поради што е на удар на тамошната јавност и медиумите и затоа е незадоволен и бара излез. Да потсетиме, Роналдо и соиграчите неодамна загубија во полуфиналето на Суперкупот од најголемиот ривал Ал Хилал и во првенството заостануваат 12 бода зад истиот тим.
Од друга страна, ситуацијата во Спортинг е најдобра во последните неколку години. Тие се на прагот да го освојат дваесеттиот шампионат на Португалија. На шест кола пред крајот на првенството имаат седум бода предност пред Бенфика, а следната сезона Роналдо би можел да го облече дресот на Спортинг за прв пат по 2003 година.
Да потсетиме, Роналдо во декември 2022 година потпиша договор со Ал Наср на две и пол години, а неговата годишна плата е околу 200 милиони евра, а во оваа сума е вклучен и комерцијалниот дел од договорот. Ова е највисоката плата во историјата на фудбалот, па Роналдо во текот на договорот треба да заработи половина милијарда евра.
