Русија и Белорусија ќе одржат заеднички вежби на нивните воздушни сили и силите за воздушна одбрана во Белорусија, соопшти утринава Министерството за одбрана на Минск.
Reuters јавува дека вежбите ќе се одржат од 26 до 29 април. Акумулацијата на воени капацитети по инвазијата на Украина доведе до фактот дека руските трупи се преселиле во Белорусија под изговор на заеднички воени вежби.
Во посебен пресврт на настаните, молдавската претседателка Маја Санду попладнево ќе свика состанок на Врховниот совет за безбедност на земјата поради инцидентите во отцепениот регион Приднестровие, кои најверојатно се поврзани со извештаите за уништување на две радиокули утринава.
Во меѓувреме, Денис Пушилин, лидер на самопрогласената Народна Република Доњецк, за руска ТВ-емисија изјави дека следната фаза од руската воена интервенција е клучна за да се задржат безбедносните инциденти надвор од регионот. Тој ги наведе експлозиите што го погодија Приднестровие, како и руските наводи за гранатирање на нејзините погранични региони од страна на украинските сили.
Русија и Белорусија последен пат одржаа заеднички воени вежби од 10 до 20 февруари годинава, неколку дена пред руската инвазија на Украина.
