Управниот одбор на AvtoVAZ донесе одлука да воведе нови модели на автомобили Lada во производство.
Рускиот автомобилски концерн планира да лансира кросовер на платформата на моделот Lada Vesta, како и посебна категорија автомобили од Б сегментот на глобалната механичка платформа. Ова го изјави Денис Мантуров, министер за индустрија и трговија, кој е и претседател на Управниот одбор на AvtoVAZ.
Покрај тоа, производителот има намера на основните верзии на Lada да ги врати вообичаените опции, како што се воздушни перничиња и клима уред, , пишува Russia Beyond.
„Бордот на директори едногласно го одобри лансирањето на два нови проекти од моделот Lada кои треба да се појават на фабричките ленти за склопување во 2024-2025 година“, рече Мантуров.
Министерството за индустрија и трговија соопшти дека и да не се укинат санкциите, нема да има проблем со деловите и дека AvtoVAZ планира да пушти на пазарот вкупно 140.000 автомобили во втората половина на 2022 година. Следната година нивниот број ќе се зголеми на 500.000.
Според Мантуров, компанијата почнала да ги враќа вообичаените опции на основните верзии на моделот. Така, Lada Granta повторно добива воздушни перничиња, „клима“ и мултимедијален систем.
AvtoVAZ е свесен за одговорноста што ја има кога станува збор за потребата да и се обезбеди на Русија модерни автомобили по прифатлива цена и затоа компанијата вложува максимални напори за зголемување на производството и понатамошен развој на брендот, додаде тој.
