Руското министерство за одбрана и Националниот истражувачки центар за епидемиологија и микробиологија ја почнаа финалната фаза на клиничкото испитување на вакцина против коронавирусот.
Тестирањето на првата група волонтери ќе заврши на 15 јули. На втората група кај која се тестира ефикасноста и имуногеноста на вакцината, ќе им биде ставена втора состојка на вакцината против вирусот. Во втората фаза целта е засилување на имуниот систем и продолжување на дејството на вакцината.
Во соопштението се додава дека волонтерите се чувствуваат добро, немаат тегоби и нуспојави, а првата група наскоро ќе биде пуштена од болница откако ќе ги минат финалните тестови.
Резултатите од вакцината покажуваат дека волонтерите развиваат имунитет на COVID-19 по вакцинацијата, соопшти руското Министерство за одбрана.
