Попладнево се одигра 31. коло во најдобрата македонска фудбалска лига каде продолжи битката за местата кои водат во Европа.
Откако Пелистер и Борец и официјално испаднаа, а Скопје и Тиквеш останаа со нереални шанси за избегнување на баражот, единственото нешто за кое остана неизвесност во последните кола е кои две екипи ќе ги освојат второто и трето место кои водат во Европа конференциската лига на УЕФА.
Во директен дуел за излез во фудбалска Европа Академија Пандев ја совлада Шкендија во Струмица и изби на 2. место. „Лавовите“ од Ѓорче Петров длабоко во судиското надополнување успеаја да останат непоразени кај шампионот Шкупи откако реализираа удар од белата точка.
До крајот Академија Пандев игра дома со Работнички, а потоа на гости кај Шкупи. Шкендија прво го пречекува Шкупи, а потоа гостува кај Струга, додека Македонија ЃП ја пречекува Струга и гостува кај Тиквеш. „Лавовите“ имаат и еден џокер во ракавот бидејќи доколку завршат трети имаат шанса за поправен бидејќи на 20-ти ќе играат во Куп финалето против Силекс, каде победникот исто така добива место во Конференциската лига.
Работнички - Борец 2:1
45'+2 (п) Марио Станковски, 90'+5 Марјан Ристовски - 45' Крста Ѓорѓевиќ
Скопје - Пелистер 4:2
11' Бујар Хајдари, 13' Дарио Десниќ, 37' Иво Јанакиевски, 49' Антонио Божиноски - 10' Андреј Ричков, 57' Борче Маневски
Тиквеш - Ренова 0:1
34' Ремзифаик Селмани
Струга - Брегалница 1:0
90'+2 Гол Валентин Кочоски
Шкупи - Македонија ЃП 1:1
58' Кевен - 90'+7 (п) Ермедин Адем
Академија Пандев - Шкендија 4:2
2' Гол Фарук Бихорац, 23' (п), 63' (п) Томислав Илиев, 79' Пепи Ѓоргиев - 47' Јан Кривак, 83' (п) Синдрит Гури
Наредното претпоследно 32. коло е на програмата претстојниов викенд, додека сезоната ќе се затвори со последното 33. коло викендот на 14 и 15 мај.
- Шкупи 72
- Академија Пандев 61
- Шкендија 59
- Македонија ЃП 57
- Струга 43
- Ренова 42
- Брегалница 42
- Работнички 40
- Скопје 32
- Тиквеш 31
- Борец 21
- Пелистер 11
