Академија Пандев останува лидер, Шкендија конечно се израдува на победа, Вардар убедлив со Струга, победи и за МакедонијаЃП и Шкупи.
Колото го отвори лидерот Академија Пандев во петок против Ренова. Со по еден гол во секое полувреме струмичани ги освоија бодовите и се задржаа на челната позиција.
Шкендија кончено ја забележа првата победа во новата сезона. Требаше слабиот Работнички да дојде во Тетово за црвено-црните да се израдуваат. Убедливата победа од 3:0 го испрати Работнички на последното место.
Вардар немаше проблеми со дебитантот Струга која на „Тоше Проески“ издржа само едно полувреме. Бразилецот Жунињу со два гола по паузата ги реши гостите, а Најдовски стави точка на убедливата победа.
Минимална победа над Силекс запиша Шкупи и тоа со новиот тренер на клупата. Победа оствари и Македонија ЃП и тоа откако го сврте резултатот во своја корист по раното водство на Борец.
Резултати од 5-то коло:
Академија Пандев - Ренова 2:0
32' Марко Рајковиќ, 87' Марио Крстовски
Шкендија - Работнички 3:0
19' Стениу Жуниор, 37' Арменд Алими, 90' Еннур Тотре
Вардар - Струга 3:0
58', 66' Жунињу, 80' Филип Најдовски
Македонија ЃП - Борец 3:1
39' Паду, 73' (пен) Дејан Блажевски, 90'+3 Бенјамин Демир - 4' Никола Прелчец
Шкупи - Силекс 1:0
58' Сержињу
Црвени картони: 87' Филип Стојановски (Ш), 90'+3 Даниел Карчески (С)
Табела:
1. Академија Пандев 13
2. Македонија ЃП 11
3. Вардар 10
4. Шкупи 8
5. Шкендија 7
6. Ренова 7
7. Струга 7
8. Борец 4
9. Силекс 3
10. Работнички 3
