На АТП турнирот во Далас се одигра најдолгиот тај-брејк во историјата на тенисот, а „главни актери“ беа американските „двометраши“ Рајли Опелка и Џон Изнер.
Во вториот сет Опелка дојде до триумф по 46 поени во тај-брејкот со резултат 24:22.
На тој начин се пласираше во финалето на турнирот во Тексас каде за титулата ќе игра против својот сонародник Џенсон Бруксби.
Опелка и Изнер сервираа вкупно 60 асови на овој меч: Рајли имаше 39, а Џон 21.
Досега најдолгиот тај-брејк на турнирите од АТП серијата беше 20:18.
Најмногу поени досега имале Бенџамин Бејлер и Жил Кулар кои одиграа 36:34 на фјучрсот во Флорида.
Тогаш на мечот немаше линиски судии, а главниот судија не ни беше на висока столица, но беше прифатен од ИТФ и АТП.
