Кристијано Роналдо се огласи за прв пат откако беше главна тема на фудбалската јавност по победата на Португалија над Швајцарија (6:1).
Сите зборуваа за Роналдо вчеравечер од две причини - прво, тренерот Фернанду Сантуш го остави на клупа; второ, го напушти теренот додека неговите соиграчи ја славеа победата.
А ѕвезда на вечерта беше 21-годишниот Гонсалу Рамуш, резервата на Роналдо во групната фаза, кој ја искористи шансата и го забележа првиот хет-трик на Мундијалите од 1990 година.
Во игра влезе и Роналдо во 74. минута, со овации од трибините бидејќи најголемиот дел од португалските навивачи го повикуваа во поголемиот дел од второто полувреме.
По натпреварот Роналдо прв ги поздрави навивачите, но го напушти теренот додека неговите соиграчи славеа со навивачите.
Во моменти на голема радост, тој уште еднаш го привлече вниманието на себе со своето однесување. Што не му е првпат.
Сепак, по големата победа на Португалија, Роналдо остави порака на Instagram.
„Неверојатен ден за Португалија, историски резултат на најголемото светско натпреварување. Одличен настап на селекција полна со таленти и млади. На нашата репрезентација треба да ѝ се честита. Сонот е уште жив. До крајот. Само напред Португалија“, напиша Роналдо и ги увери сите околу себе дека е лојален на репрезентацијата.
