Вистинските љубители на цвеќиња во своите дворови внимателно ги негуваат хортензиите - зелени џбунови богати со виолетови, црвени, сини и бели цветови.
Некои среќници имаат доживеано нивната хортензија да ја менува бојата како камелеон, па често едно лето цветаат виолетови цветови, а наредното лето цветаат сини цветови. Промената на бојата на хортензиите зависи од pH-вредноста на почвата.
Сега кога веќе ја знаете оваа тајна, контролирањето на менувањето на бојата на хортензиите е во вашите раце. Менувањето на pH-вредноста на почвата не е нешто особено тешко, повеќето имаат учено слични експерименти на часовите по хемија во средно школо.
Меѓутоа, ако имате хортензии со крем боја, имате проблем, бидејќи оваа хортензија тврдоглаво се држи до својата боја. Евентуално може малку да премине кон розевкаста боја за време на летото.
Ако сакате вашата хортензија да има сини и виолетови цветови, земјиштето околу неа мора да биде покисело. Киселата почва ќе помогне алуминиумот да се пренесе во растението, што ќе услови појавување на сина боја.
Доколку вашата хортензија е веќе сина, тоа значи дека земјишптето околу неа веќе е кисело. Органското ѓубриво ќе ви помогне дополнително да го закиселите земјиштето. Органско ѓубриво можете и сами да направите од остатоци од вашата кујна, како што се талог од кафе и кори од банани.
Ако сакате розева хортензија, посоветувајте се со експерти од земјоделска аптека кои ќе ви препорачаат производи за намалување на киселоста на почвата, што ќе ја услови вашата хортензија да цвета во розева боја.
Лушпи од јајца, пепел, школки донесени од летување, како и кора од лимон, ќе направат земјиштето да се ослободи од киселоста, па ќе добиете хортензии во нежно розева боја.
