Имате направено профил на некоја од апликациите за запознавање и барање партнер или сакате да запознаете некого на класичен начин? Како и да е, се поставува прашањето: Дали ќе падне секс уште на првиот состанок?
Истражувањето на Groupon во кое учествуваа 1.000 возрасни испитаници даде одговори на ова прашање. Да, одговори, во множина, бидејќи размислувањата на оваа тема варираат кај мажите и кај жените.
Според ова истражување, луѓето во просек чекаат осум останоци пред да направат чекор понатаму во врската.
Мажите сметаат дека е сосема ок сексот да се случи по петтиот состанок, додека жените чекаат до деветтиот.
Кај мажите постои девет пати поголема веројатност дека сакаат секс на првиот состанок во споредба со жените, а само 30% од мажите и 8% од жените сметаат дека првиот секс треба да се случи на некој од првите три состаноци.
33% од испитаниците рекле дека сакале да си заминат од лош состанок и лажеле дека не им е добро, дека се уморни, дека имаат закажано со пријатели подоцна или дека им се јавил некој со „итна ситуација“.
Кај милениумците има најголема шанса дека ќе излезат на состанок со некој кој го запознале онлајн, наспроти 34% од припадниците на Генерација Х (родени од раните 60-ти до раните 80-ти).
Истражувањето исто така покажа дека 74% од мажите за прв состанок бираат излегување во јавност, како вечера или кино, пијачка во бар или излегување на кафе.
1 од 10 луѓе ќе го одбијат состанокот бидејќи не им се допаѓа местото што го избрал другиот.
Резултатите исто така покажаа дека во просек, на луѓето им требаат пет состаноци за да знаат дали ќе се гледаат ексклузивно со таа личност.
Стручњаците советуваат дека за да се надевате на втор состанок, најмногу треба да внимавате на вашите манири, да се однесувате љубезно со келнерите и да се обидете барем еднаш да го насмеете мажот, односно жената со кој/а сте излегле на состанок.
