Минатогодишниот финалист на УС опен, како и грчкиот тенисер, го завршија своето учество на последниот грен слен за оваа година во 2. коло.
Норвежанецот Каспер Руд, инаку моментално петти тенисер во светот, загуби по пет сета од Кинезот Чичен Чан со 3:2, или по сетови 6:4, 5:7, 6:2, 0:6 и 6:2.
Поради оваа рана елиминација Руд ќе падне на АТП листата најмалку четири места. Годинава норвешкиот тенисер го освои само турнирот во Ешторил.
Сензационална елиминација нешто порано синоќа доживеа и Гркот Стефанос Циципас. Подобар од него по 4 часа и 10 минути тенис беше Швајцарецот Доминик Штикер со 3:2, а во сетови 7:5, 6:7, 6:7, 7:6 и 6:3.
И Руд и Циципас беа во костурот каде се наоѓа Нован Ѓоковиќ, па нивните елиминации секако се добра вест за српскиот ас. Претходно во неговиот дел испадна и Данецот Холгер Руне, уште во 1. коло.
Во 3. коло Чан ќе игра против Австралиецот Ринки Хиџиката, додека Стикер ќе се соочи со Французинот Бенжаман Бонзи.
А, пак, Ѓоковиќ го прегази Шпанецот Бернабе Сапата Мираљес со 3:0 (6:4, 6:1 и 6:1). Србинот сега го чека неговиот сонародник со унгарско потекло, Ласло Ѓере.