Северна Кореја до Американците: Избркајте го тој луд старец од власт

Северна Кореја одговори на острите зборови на американскиот претседател Доналд Трамп и нагласи дека САД треба да го тргне одд власт.

Државната севернокорејска телевизија што го нареше Трамп „луд старец“, објави дека Американците треба да го сменат Трамп „за да избегнат пропаст“.

САД треба да се држат до тој совет „ако не сакаат морничава нуклеарна катастрофа и трагична судбина.“

Пред да стигне во Кина како дел од неговата турнеја низ Азија, Трамп имаше обраќање во Парламентот на Јужна Кореја кога ја предупреди Северна Кореја „да не ги потценува и да не ги тестира САД“ и ги повика сите одговорни држави да се здружат за да се изолира бруталниот севернокорејски режим.

Трамп е на турнеја низ Азија во која досега ги посети Јапонија, Јужна Кореја и Кина, а ќе патува и во Виетнам и на Филипините.