Иако се повлече од кошарката и повеќе не доминира по НБА паркетите, Коби Брајант и понатаму освојува трофеи.
Легендата на Лос Анџелес Лејкерс ја освои престижната награда Оскар за краткометражниот анимиран филм „Dear Basketball“.
Овој филм е базиран на неговата проштална порака, кога се повлече од кошарката во 2015 година.
На Брајант, како извршен продуцент на филмот, Оскарот му го врачи ѕвездата на серијалот „Star Wars“, Марк Хамил.
„Благодарност до Коби што го напиша документарецот „Dear Basketball“, тоа е порака за сите нас. Како и да изгледа твојот сан, преку страст и истрајност се е возможно“, изјави аниматорот на Disney, Глен Кејн.
Брајант е петкратен НБА шампион и остана запаметен како еден од најголемите великани во кошарката.
