Актуелните шампиони Французите на Светското првенство во Катар ќе играат значително ослабени.
Од претходно беше познато дека Пол Погба ќе го пропушти Мундијалот во Катар, а сега на листата на повредени му се придружи уште една ѕвезда.
Н'Голо Канте се повреди на тренинг на Челси и нема да биде дел од тимот на „Триколорите“ на Светското првенство.
Канте почна да тренира минатата недела откако ја повреди тетивата, но вчера повторно се повреди и според првичните проценки ќе биде надвор од терените уште три месеци, пренесува The Athletic.
Тоа значи дека Франција ќе почне значително ослабена да ја брани титулата освоена на Мундијалот 2018 во Русија. Поточно, од тројцата најважни играчи на „Триколорите“, само Килјан Мбапе е здрав и селекцијата предводена од Дидје Дешамп ќе има исклучително тешка задача да го одбрани пехарот.
