Репрезентацијата на Бразил загуби со 1:0 од Камерун во последното коло од групната фаза на Светското првенство во Катар.
Поразот не беше премногу болен резултатски за Цариците, бидејќи веќе имаа обезбедено пласман во осминафиналето каде противник ќе им биде Јужна Кореја.
Тренерот Тите реши да го смени речиси целиот тим и да ги одмори напаѓачите, но тој експеримент не помина без последици. Бразилските медиуми пренесуваат дека двајца играчи се повредени и за нив Мундијалот е завршен.
Станува збор за Габриел Жезус и Алекс Телес. Да потсетиме, Нејмар се повреди претходно и не е сигурно кога ќе биде подготвен да се врати на терените.
Жезус се истакнува оваа сезона во дресот на Арсенал и е еден од најдобрите напаѓачи во Премиер лигата, а воедно е и прва замена за Ричарлисон, кој е прв избор за „деветката“. Телес е позајмен играч на Јунајтед во Севиља, а неговото отсуство може да биде болно бидејќи многумина сметаат дека левата бековска позиција е најтенка во бразилската репрезентација.
