Германскиот канцелар Олаф Шолц во вчерашното интервју за CNN изјави дека Кина ќе ги почувствува „последиците“ доколку испрати оружје во Русија.
Сепак, германскиот канцелар предвидува дека Пекинг сепак ќе се воздржи од снабдување со оружје на руските сили. Овој говор доаѓа само два дена откако Шолц се сретна со американскиот претседател Џо Бајден во Вашингтон.
Американските власти неодамна предупредија дека Кина може да почне да и доставува оружје и муниција на Москва. Пред неговото патување, Шолц ја повика Кина да се воздржи од испраќање оружје и наместо тоа да го искористи своето влијание за да изврши притисок врз Русија да ги повлече своите сили од Украина, објави Associated Press.
Тој се осврна и на прашањето дали испраќањето воена помош за Русија ќе резултира со воведување санкции кон Кина.
„Мислам дека ќе има последици, но сега сме во фаза кога јасно кажуваме дека тоа не треба да се случи и јас сум релативно оптимист дека ќе бидеме успешни со нашето барање во овој случај, но ќе мора да го гледаме да ја следиме ситуацијата и ќе мора да бидеме многу, многу внимателни“, рече Шолц.
Тој не сакаше да прецизира какви последици ќе предизвика таквиот потег на Пекинг. Германија ја има најголемата европска економија, а Кина е нејзиниот најголем единствен трговски партнер во последниве години.
По враќањето во Германија, Шолц се сретна со претседателката на Европската комисија, Урсула фон дер Лајен.
„Сите се согласуваме дека не смее да има испорака на оружје, а кинеската влада изјави дека нема да го испорача. Тоа го бараме и внимаваме на тоа“, изјави германскиот канцелар по средбата.
Фон дер Лејен рече дека „досега немаат докази“ дека Кина планира да испрати оружје, но рече дека ќе продолжи да ја следи ситуацијата. На прашањето дали Европската Унија ќе ја санкционира Кина за воена помош за Русија, таа одговори дека тоа е „хипотетичко прашање на кое може да се одговори само доколку стане реалност и факт“.
