Лидерот во Премиер лигата, Челзи, забележа сигурна победа во рамките на 26 коло. „Сините“ со 3:1 го совладаа Свонси. Победи во саботните мечеви, покрај Челзи, запишаа Кристал Палас, ВБА и Евертон, додека Хал и Барнли одиграа без победник.
Натпреварот на „Стенфорд Бриџ“ мина во знакот на шпанските фудбалери кои беа стрелци на четирите голови. Фабрегас го постигна првиот гол за Челзи, а неговиот поранешен колега од репрезентацијата Љоренте израмни во финишот на првото полувреме.
Во вториот дел Педро постигна гол за ново водство на Челзи, а победата на лидерот ја потврди Диего Коста.
Кристал Палас забележа значајна победа во борбата за опстанок, откако со голот на ван Анхолт го победи Мидлзброу.
Евертон се ближи до местата кои водат во европските купови, откако против Сандерленд ја забележа четвртата победа на последните шест натпревари. Гај и Лукаку беа стрелци на головите за Евертон.
Досон и Мекколи постигнаа два гола со кои ВБА со пресврт славеше над Борнмут, кој водеше од петтата минута со голот на Кинг.
Хал и Барнли освоија по еден бод, натпреварот заврши 1:1. Хал поведе од пенал во 72 минута со голот на Хадслтон, а четири минути подоцна израмни Кин.
