Според информациите кои пристигнуваат од Пиринејскиот полуостров, Милан веќе понудил 5 милиони евра за услугите на македонскиот репрезентативец.
Енис Барди ја игра петтата сезона во дресот на Леванте и се чини дека ќе биде негова последна во клубот од Валенсија. Не само што пет години се доста за во еден мал клуб како Леванте, туку и фактот што овој клуб е печен за испаѓање во втората лига, а нашиот Барди со игрите досега докажа дека е прволигашки фудбалер.
Договорот на Барди со Леванте има важност до 30 јуни годинава, но со можност за продолжување на уште две години, што е тешко веројатно дека ќе се оствари особено доколку тимот испадне.
Soy Calcio, кој е портал за Серија А на шпански јазик, тврди дека Милан веќе испратил понуда од 5 милиони евра. Моменталната вредност на Барди се проценува на 9 милиони евра, па доколку Леванте сака да заработи нешто на него и да не го испушти како слободен играч на лето - шансата е сега, во зимскиот преоден рок.
Додатно, порталот тврди дека заинтересиран за неговите услуги е и Торино.
Останува да видиме дали воопштп нешто од ова е вистина, а во секој случај трансфер на Барди во Серија А бил бил добар чекор за македонскиот репрезентативец.
Барди едно време на пазарот вредеше дури 20 милиони евра, но падот на Леванте си го направи своето.
