Кога моторот работи во лер, се очекува да работи непречено и избалансирано.
Но, што ако почувствувате вибрации, неврамнотежено согорување, ако се зголеми бројот на вртежи? Во лер, автомобилите работат со околу 700-800 вртежи во минута. Според вашето искуство, ќе процените кога вашиот мотор не работи како и обично.
Ова е обично симптом на некои проблеми. Кај бензинците, проблемот можеби е истрошени свеќички, што ќе го отежне палењето на смесата во цилиндрите. Исто така, може да има проблеми со жиците на свеќичките, односно дефект на инсталациијата.
Една од можните причини се нечисти инјектори за гориво и запушен филтер за воздух. Неисправниот вентил за проток на воздух исто така може да биде една од причините. Нерамномерна работа на моторот е можна и поради нарушувања на вакуумот во системот за снабдување со воздух и гориво на моторот (поради абење или оштетување).
По менувањето на запчестиот ремен, може да се случи да не е совршено порамнет, така што работата на вентилите не е синхронизирана. Сето ова ја намалува компресијата и резултира со субоптимално работење на моторот во лер. Слични проблеми може да се појават поради абење на запчестиот ремен.
Конечно, можни се и проблеми со времето на палење на смесата, што ќе предизвика моторот да работи погрубо или да се исклучи. Во секој случај, ако сметате дека моторот работи нерамномерно, треба да побарате помош од механичар.
