Ако нема доволно витамини, минерали и вода, телото јасно ни дава знаци дека нешто ни недостига. Како да ги препознаете знаците кои укажуваат дека не внесувате доволно зеленчук?
Ако забележите дека секој помал удар предизвикува модринки тоа може да значи дека ви недостасуваат одредени витамини. Недостатокот на витамин Ц може да предизвика повеќе модринки отколку што е нормално бидејќи витаминот Ц помага во зараснувањето и создавањето на колаген. Значи, збогатете ја исхраната со пиперки, брокула и карфиол бидејќи се богати со овој витамин.
Ако забележите дека сте гладни еден или два часа по јадење, тоа може да значи дека во претходниот оброк не сте внеле доволно влакна.
Ако сте постојано уморни, а не знаете зошто е тоа така би требало да обрнете внимание на исхраната. Зеленчукот ги дава сите хранливи состојки потребни да ја зголемат енергијата кај луѓето.
